استنكرت الكاتبة ماجدة سيدهم ، مقتل الشاب بيشوي في الهرم وهو يدافع عن شقيقته من التحرش.
وكتبت سيدهم عبر حسابها على فيسبوك :" كل الحكاية مقتل الرجولة والشهامة على إيد شوية بلطجية صيع ..بس كدا، طيب الحثالة دول كانوا عاوزين ايه ..اظن ماكنش هدفهم القتل في الأول .بمعنى التعرض لهم وجر الخناقة من البداية بيحمل رسالة للشاب المقتول " البت دي تلزمني "
يعني القتل دا كان وسيلة لجر البنت لمأساة تانية خالص، شوفوا انتو بقا .. أي مأساة تتوقعوها ..هل كان المفروض على الشاب دا بدل مايحمي اخته زي أي راجل متربي وطبيعي انه يهرب ويسيب اخته لمصير أسود ليفترسها شوية حثالة مطلوقين في الشوارع .
موضحة :"على فكرة كان فيه داعية جهادي طلع وقال النصيحة الشريفة دي ..وكأنه بيقول لكل ذكر ..إياك تطلع راجل ولا متربي، طيب العيال الضايعة دي لما تتجاب أكيد الحكم عليهم هايكون حسب السن في جريمة قتل عيني عينك وقبلها التعرض لمواطن بتهديد امنه وسلامته في الشارع ..ودمتم يعني شغل بلطجة عالي ..وبس خلاص .
