روت فتاة تفاصيل مقتل شقيقها على يد 5 شباب بالهرم، قائلة :" كنت نازلة أنا وأخويا عشان نجيب لبس العيد، وظهر قدامنا 5 شباب عاكسوني وقالوا كلام مش حلو.
مضيفة في تصريحات لموقع القاهرة 24 :" أخويا قالي روحي انتي بعيد وراح يكلم واحد من الشباب وقاله: هو أنا مش عجبك يعني؟، عاتبه على معاكسته ليا بكل هدوء وقاله إنه ميصحش اللي حصل.
موضحة :" الشاب ده شتم أخويا وفجأة الشارع كله اتلم وكنت بصرخ، روحت أنادي على أخويا الثاني رجعت لقيته واقع على الأرض.
وتابعت :" فضلت اصرخ والطم والناس قالوا لي وديه المستشفى لأنه انضرب جامد، والمتهمون ضربوا أخويا بمطواة في قلبه وركبوا توك توك وهربوا، نقلت أخويا المستشفى وكان بينزف على إيدي وبعدها مات.
