قال الإعلامي إيهاب صبحي :" نريد من يوضح لنا الأمور فيما يتعلق بأعياد المسيحيين.
واضاف صبحي خلال تقديم برنامج (مساء الخير)، المُذاع عبر قناة "مي سات" القبطية الارثوذكسية :" لدينا 3 أعياد كبار : عيد الميلاد المجيد، وهو إجازة بقانون لجميع المصريين، وعيد الغطاس الذي يوافق يوم الاحد المقبل 19 يناير، وعيد القيامة المجيد.
موضحا :" وكل من هذه الأعياد هو يوم واحد فقط مثل عيد الميلاد، وليس 4 أيام أو 5 أيام، ولا تسبق هذه الأعياد (وقفة)، اجازات اعيادنا ليست أسبوعا لا نقوم فيه بأي شيء.
وتابع :" كل سنة نقعد نهاتي في نفس الموضوع ونقول يا جامعات ما تعملوش امتحانات يوم عيد الغطاس،ما تعملوش امتحانات يوم عيد الميلاد، ما تعملوش امتحانات في المدارس في الأيام اللي فيها أعياد للمسيحيين.
وواصل :" وكل سنة تجي لنا شكاوى، وكل سنة يجي لنا اتصالات، وبعدين مش عارف المفروض أقول كده ولا لاه، يعني هو الإنتاجية بتاعة العامل والموظف المصري عالية قوي بحيث إنها هتضلع الدولة اليوم ده لو المسيحيين خدوه ؟! .
وتساءل صبحي :" ليه القطاع الخاص رافض ان عيد الغطاس يبقى إجازة؟.
