اجرى البروفيسور السير مجدي يعقوب، جراح القلب المصري العالمي، مداخلة هاتفية لبرنامج "الحكاية"، تقديم الإعلامي عمرو اديب على فضائية "ام بي سي مصر"، في إطار الابتكار الذي يقوده حاليا والذي يتمثل في تكوين صمامات قلب تنمو طبيعيا داخل الجسم.
وطالب اديب بمنح يعقوب جائزة نوبل، بعد كل هذه الإنجازات والجهود لخدمة الإنسانية، قائلا :" مش أقل من نوبل يا سير مجدي والله ما أقل من نوبل للعلوم وللإنسانية .
وتابع :" انت شخص احنا كلنا فخورين بيك احنا بلد مجدي يعقوب احنا بلد الراجل العظيم العالم الانسان ، الرجل العالم .
رد عليه يعقوب :" العفو العفو العفو شكرا انت بتكسفني يعني، انا بحب مصر وبحب العالم وبحب الإنسانية .
ثم توجه اديب بسؤال الى يعقوب قائلا :" دكتور مجدي نفسك في ايه، نفسك مصر تعملك ايه؟ .
رد عليه :" مش عاوز حاجة ، انا عايز أشوف كل صحة المصريين جميلة ونعتني بيهم هو دة اللي انا عاوزه، كل حاجة عندي، الحمدلله ربنا مديني بركات فكل حتة وأولادي وأحفادي وانا سعيد باللي عندي .
