علق الإعلامي أحمد موسى على إعلان وزارة التربية والتعليم والتعليم الفني عن نظام البكالوريا الجديد بديل للثانوية العامة، والمقرر يتم تطبيقه من الصف الأول الثانوي في العام الدراسي المقبل.
وقال موسى خلال إحدى حلقات برنامج «على مسئوليتي» الذي يُعرض على قناة «صدى البلد»: «فاجأة نظام التعيلم بيتغير، إحنا كل 3 أو 4 سنين كدة نغير نظام التنعليم في مصر، هو فيه حاجة اسمها كدة؟!، هو فيه حاجة اسمها أنا السنة الجاية بعدل الثانوية العامة، وبعمل بدلها حاجة اسمها بكالوريا، آخر مرة سمعناها أمتى دي؟!، أيام الطربوش الأحمر».
وأوضح: «هو أنا بطلع لقدام ولا برجع، ليه؟!، عياز أقولكم النظام الجديد دة بدل ما كنت بتاخد حصة هتاخد 4 حصص، طبعًا لسة ماحدش عنده تفاصيل، بس قعدت أقرأ في الورق وأشوف»، مُضيفًا:«ليه كل حاجة بنجري، جه الدكتور طارق شوقي وعمل نظام تعليم، ثم الدكتور رضا حجازي واتعمل نظام تعليم، ثم سيادة الوزير محمد عبداللطيف وعمل نظام تعليم، وبعد شوية هيجي وزير آخر وهنعمل نظام تعليم».
وأضاف موسى: «أيوة كان هندنا مشاكل مابقولش لا، بس لما أحط نظام تعليم أغيره كل شوية؟!، كل شوية نعمل ارتباك في البيت المصري، الأسر اللي ولادها النهاردة في الثانوية العامة هيتعلم أنهي شهادة بكالوريا ولا ثانوية، طيب أنهي درجات، درجات البكالوريا ولا درجات الثانوية، طيب المدرس اللي هيدرس بكالوريا ولا ثانوية، طيب أنا جاهز؟!، يعني أنا مدارسي النهاردة كلها للبكالوريا».
وتابع: «أنا لما قريت لاحظت أن نظام البكالوريا قريب من نظام الـIG، يعني أنت في تقديري بتعمل توازن ما بين مدارس الحكومة وبين المدارس الأجنبي، يبقى هنا في الحكومة بعلم نظام قريب من الـIG، فيه ناس تتقبل وفيه ماتتقبلش دة، ولكن ماينفعش أقول السنة الجاية هطبق، ماينفعش نظام التعليم كل شوية نغير ونقول السنة الجاية هنعمل أو بعد شهرين».
