أعلنت الفنانة نشوى مصطفى خبر وفاة زوجها منذ قليل، مما أثار تعاطف المتابعون مع نشوى مصطفى بسبب قصة حبها ووفاءها لزوجها الراحل والتي امتدت لسنوات كثيرة.
في السطور التالية قصة حب وزواج نشوى مصطفى بزوجها الراحل.
كيف بدأت قصة حب نشوى مصطفى وزوجها الراحل؟
قالت نشوى مصطفى في تصريحات تلفزيونية: «لما شاهدت عماد، أنا اللي خطبته، هو كان عايش في أمريكا، ومامته كانت عايزة تزوجه واحدة مصرية علشان تجيبه مصر، وأنا كنت كبيرة أخواتي، وكنت مثلت في مسلسلات مثل ضمير أبلة حكمتت».
وتابعت: «أختي وأخت عماد كانوا زملاء في الجامعة، وكان هو نازل من أمريكا، فعملوا كأن في عيد ميلاد، وتواصلت معاهم وقلت لهم مش هاجي عيد الميلاد، فاتصلت أخته بيا وقالت لي إحنا أجلنا عيد الميلاد عشان خاطرك».
وأوضحت: «قلت لها ازاي، قالت لي: «عيد الميلاد كان حركة عشان عماد يشوفك» فقررت إني أروح لهم البيت وفضلت منتظراه لمدة ربع ساعة».
واستطردت: «دخلت له الأوضة وقلت له أنا منتظراك بقالي ربع ساعة والمفروض تيجي تشوفني لأن أنا اللي جايبني عشان تتفرج عليها، اتصدم من كلامي وهو كان متأخر عليا عشان بيشوف ماتش الزمالك».
وأردفت: «قلت له: إحنا عاملين خطة عشان تشوفني، وأنا مبحبش اتزوج بالطريقة دي، فقلت لهم في البيت إني معجبتكش لأني مبحبش اتزوج بالطريقة دي، قعدنا بعدها وتعرفنا على بعض، وأخبرني أنه مبيحبش يتزوج بالطريقة دي وأنه ميحبش يتزوج واحدة من مصر».
واستكملت: «من ساعة ما شوفته وحصل قبول بينا في أشياء كثيرة وبعدها حصل الزواج وكنت المفروض أسافر معاه أمريكا».
وفاة زوج نشوى مصطفى
وأعلنت نشوى مصطفى عبر صفحتها، عن وفاة زوجها، فنشرت منشورا نصه: «اللي بيحب ربنا يجي يصلي صلاة الجنازة على زوجي ونور عيني وحبيبي وستري وأبوولادي — تعالو والنبى مسجد حسن الشربتلى صلاة الضهر أبوس أيديكم عايزة ناس كتير تيجى والنبى- الله يراضيكم تعالو كلكم ادعو له بالرحمة وادعولى أنا وولاده بالصبر والثبات مسجد حسن الشربتلى التجمع الخامس حتلاقوه على جوجل ماب — شيرو كتير».
