حذر الدكتور حسام موافي، أستاذ الحالات الحرجة بكلية طب قصر العيني، بعض المرضى من تعريض حياتهم للخطر، بسبب متعة قد تصل إلى 10 ثوان فقط.
وقال موافي خلال تقديمه برنامج رب زدني علما، عبر قناة صدى البلد، إنه يتعجب للمريض الذي يمنع عنه الأطباء بعض الأطعمة، ولكنه يرد قائلًا: مش قادر.
وأضاف: أقول للمريض اللي عنده عنده فشل كلوي هتاخد حتة لحمة أد حتة الكبريت، يقول لي مش قادر، أنا بآكل حتة أكبر من كده.
وتابع: الأكل بيقعد في الفم أد إيه؟! 10 ثوانى 15 ثانية! بعد ما بينزل في المريء مش بتحس طعمها، يبقى انت بتضيع عمرك عشان متعة 10 ثواني، اللي هو الوقت اللي الأكل فيه في فمك.
وأكد على ضرورة طاعة الطبيب المعالج في حال منع المريض من تناول بعض الأطعمة، موضحًا: الدكتور مش بيهرج، ولا بيحرمك، هو خايف عليك.
وأوضح أستاذ الحالات الحرجة بكلية طب قصر العيني، أن نظام الأكل بالنسبة لمريض ارتفاع مستوى حامض البوليك في الدم والذي يطلق عليه النقرس مهم جدًا.
