قال الدكتور مصطفى مدبولي رئيس مجلس الوزراء :" مش عاوز حد يتخض من ارتفاع سعر الدولار، احنا اتفقنا هيكون سعر الصرف مرن، ولن يحدث للدولار تقييد، خاصة بعد نتيجة الانتخابات الأمريكية والدولار أصبح أقوى أمام أي عملة أخرى.
علقت على تصريحات مدبولي الإعلامية لميس الحديدي، وكتبت عبر حسابها على منصة (اكس) :" بعيداً عن نظرية علاقة اقتصادنا ب الانتخابات الامريكية البعيدة جداً.. الحقيقة ان كلنا عاوزين "طسط" الخضة القديم بعد ما لامس الدولار الخمسين جنيه و لا نعلم إلى أين.
مضيفة :" كلنا مخضوضين ..بدءاً من المستثمر الأجنبي اللي عاوز يفهم الدولار رايح فين ،و المستثمر المصرى اللى مش عارف يحسب التكلفه ،وصولاً إلى وزير الماليه اللى المفروض يبقى
مفزوع لأن عليه التزامات و ديون و سلع أساسيه و بترول بالدولار ..و آخر حاجه بقى المواطن ..ده بقى عدّى مرحله الخضة من كتر اللى شافه ..لأنك عارف طبعا يا دكتور إننا دوله مستورده
تقريباً لكل حاجه حتى البيض ..يعنى كل زيادة فى الدولار هى زياده فى الاسعار و اى انخفاض فيه لا يعني أبدا خفض للأسعار ..و بعد كل ده قوللى مش عاوزنا نتخض؟ طب ازاي؟ #المعرفه_هى_الحل.
