ادعت فتاة تدعى أميرة جمال، تبلغ من العمر 22 عامًا، وتعمل مضيفة طيران بإحدى شركات النقل الجوي، بتعرضها للخطف والضرب والاعتداء الجنسي، على يد سائق إندرايف، صباح أمس الأحد، حيث كانت متجهة من مدينة نصر إلى المعادي، ولكنها تفاجئت أن السائق غير مسار الرحلة.
فتاة تدعي الخطف والتحرش على يد سائق إندرايف
وقالت أميرة جمال، البالغة من العمر 22 عامًا، مضيفة طيران، في تصريحات خاصة لـ القاهرة 24: امبارح طلبت إندرايف الساعة 7 الصبح، وكنت متجهة من مدينة نصر لـ المعادي، ولكن سائق إندرايف خدني على حدائق القبة، ولما سألته ليه غيرت مسار الرحلة وكنسلت الرحلة ليه، قالي هطلع أجيب الرخصة من بيتي وانزل تاني، وفجأة بدأ يضربني وشدني عشان أطلع معاه البيت وخنقني، وكسر تليفوني، بحسب ادعاءاتها.
وتابعت أميرة جمال: هو قالي أنا هطلع أجيب الرخصة وأنزل تاني، وفجأة بدأ يتعدى عليا بالضرب والتحرش، وخطفني في شقة مهجورة في حدائق القبة، وضربني وكان عايز يتعدى عليا جنسيًا، وقالي أنا كنت معاكي في الجامعة، وكنت عايز اتعرف عليكي وأكلمك من زمان، وفضل يضرب فيا وحبسني 4 ساعات في بيته، مضيفة: أنا خريجة سياحة وفنادق، وهو فعلًا كان معايا في الجامعة بس معرفهوش بشكل شخصي، وفق أقولها.
واستكملت: ولما جالي نزيف نزلني الصيدلية اللي تحت البيت، وهناك قولت لهم إنه خطفني وضربني وطلبوا له البوليس، وعملت ضده محضر في قسم حدائق القبة بعدم التعرض وفي تقرير طبي لحالتي الصحية، إني أصيبت بكدمات ونزيف داخلي من شدة الضرب، وكاميرات الصيدلية اللي تحت بيته مصوراه، وأنا كل اللي محتجاه حقي يرجعلي.
