علق الإعلامي أحمد شوبير حارس مرمى الأهلي ومنتخب مصر السابق بشكل ساخر على أزمة عدم تسليم درع الدوري للنادي الأهلي حتى الآن.
وقال أحمد شوبير في تصريحات إذاعية صباح اليوم الإثنين: «أنا مش عراف يا جماعة هو تسليم درع دوري موضوع صعب للدرجة دي، هو إيه المشكلة إن فريق ياخد الدوري ويستلم الدرع في الملعب أنا مش شايف أزمة».
وتابع شوبير: «أيه المشكلة إن في مباراة الأهلي وسموحة اللي الأهلي كان محتاج التعادل فيها الدرع يكون موجود، انتوا شايفينها دمها تقيل مثلا ولا إيه، فيها إيه مع أخر ماتش يتم تسليم درع الدوري العام، وتلاقي اللي يقول لك خليها بعد مباراة السوبر الأفريقي».
وأضاف شوبير ساخرًا: «طب ما تجمع الدوريين مع بعض بأه وأعمل عرض خد اثنين دوري وخد الثالث هديهة، يعني درعين وفوقيهم درع حاجة صعبة جدا بمنتهى الأمانة يعني».
