عرض برنامج (يحدث في مصر) المذاع عبر فضائية (ام بي سي مصر) ، تقريرا مصورا ، يكشف مأساة طفل يدعى (علي) ابن محافظة الفيوم، حيث فقد عضوه الذكري بسبب خطأ طبي جسيم .
اللي حصل ان ابني علي خالد عنده ست سنوات ومكنش لسه عمل عملية الطهارة لعضوه الذكرى فتواصلنا مع الدكتور حسام شلبي باعتباره طبيب النساء اللي كان عامل ليا عملية الولادة، وهو صاحب مستشفى حسام شلبي في المعادي علشان نعمل عنده عملية الطهارة في المستشفى.
وتم تحديد يوم 2022/9/7 لاجراء العملية وروحنا بابني اليوم ده المستشفى واللي عمله العملية هو الدكتور جمال فؤاد وبعد دخول ابني العمليات فوجئت انه اتأخر جدا وفضل في العمليات أكثر من ساعة، والمفروض ان عملية الطهارة مش بتاخد كل الوقت ده.
لحد ما خرج الدكتور جمال فؤاد من غرفة العمليات وقاللي انه غلط وهو بيعمله العملية بجهاز الكي وحصل حريق في العضو الذكري والخصية عند ابنى على.
وبعدين فضلنا متابعين الحالة في المستشفى لحد ما تم تشخيص حالته أنها حريق من الدرجة الثالثه وده ممكن يسبب ليه عاهة مستديمة في عضوه الذكرى ويؤثر على قدرته الجنسية.
وبعدين وديناه المجلس الطبي الجوي في مدينة نصر وقالوا لينا انه لازم ياخد جلسات لفترة طويلة عشان يتعالج، وقالوا لينا برضه ان اللي حصل دا ممكن يعمله عاهة مستديمة في عضوه الذكري طول عمره.
وانهارت والدته وقالت :" كل اللي شافوه قالوا مفيش اي علاج، لانه حرق المنطقة بالكامل واستخدم جهاز كي مفروض اصلا مكانش استخدمه، والعضو مش موجود وقع من مكانه.
مضيفة :" معاملتش اي حاجة غلط، انا خدت ابني يعمل عملية في مستشفى بقاله 23 سنة فاتح، والدكتور اللي عمل له العملية بقاله 40 سنة شغال.
وتابعت :" دمروا حياة ابني، واناشد رئاسة الجمهورية ونقيب الاطباء وزارة الصحة، التدخل ويجيبولي حق ابني واي حد عنده علاج يقول ارجوكم.
وابدى عدد كبير من رواد مواقع التواصل الاجتماعي، غضبهم الشديد من الطبيب الذي ارتكب هذا الخطأ الطبي الفادح، مؤكدين تعاطفهم مع الطفل واسرته.
وكتب حساب :" اه ياحبيببتي ياحرقه قلبك ، حسبي الله ونعم الوكيل ، ربنا يرد حقك.
وعلق حساب باسم انجي :" منكم لله حسبى الله ونعمه الوكيل فى كل واحد مهمل وواخد مهنه الطب دى عشان يدمر بيها الناس.
كما علق حساب باسم رشا :" وجعتلي قلبي اوووي ربنا يشفيه ويعافيه يارب يكون فيه حل يارب خد بإيديه واشفيه يارب اجعل لهم مخرج يارب انت الشافي يارب وحسبنا الله ونعمه الوكيل ف كل ظالم.
وكتبت لارا :" يتسجنو ويتشمع المكان ويدفعو تعويض كبير حسبنا الله ونعم الوكيل وربنا يطمنك اختى عليه ويعوض الطفل عن ما اصابه من تعب نفسى وجسدى الله يبعتلك نصيب الطيب متعرفش بكره فى ايه.
