أقدمت فتاة بمحافظة الدقهلية من بلقاس على إنهاء حياتها والتخلص منها بتناول "حبة الغلة القاتلة" بسبب خلافات مع أسرتها وأصدقائها، الذين كانوا كل شيء لديها ولكنهم خذلوها أيضا.
انتحار فتاة بلقاس
رحلت رنا، فتاة بلقاس، وتركت رسالة حزينة قبل رحيلها توضح فيها التفاصيل الكاملة التي دفعتها لإنهاء حياتها بسبب مرورها بضائقة نفسية.
وقالت رنا، 21 سنة، فى رسالتها: أنا حزينة.. حزينة أوي إني وصلت للمرحلة دي.. وأنا بكتب الرسالة دي مش شايفة من كتر الدموع اللي بتنزل من قلبي مش عيني.. أنا تعبت تعبت أوي واستحملت كتير أوي.. بس أنا إنسانة عندي طاقة مش
قادرة أستحمل كل ده لوحدي.. أنا بس كنت محتاجة حد يطبطب عليا وياخدني في حضنه.. أنا عمري ما حسيت بحنية أن ولا أب ولا إخوات ولا أصحاب.. أنا عايشة لوحدي حرفياً رغم وجود الناس دي حواليا.. أنا لوحدي والوحدة وحشة أوي ومُتعبة أوي.
رسالة فتاة بلقاس
وأضافت: أنا اتهلكت واتأذيت واتخذلت من أقرب ناس ليا وفي الآخر يتقالي معلش.. محدش يكلف نفسه يفكر فيا ولا يفكر في إحساسي.. أعيش ليه! أعيش لمين؟ أنا في الوقت ده كنت عاوزه بس اللي يحسسني إني أستاهل أتحب وإن حد يفضل معايا عشاني عشان
بيحبني.. أنا حاربت الناس كلها عشان أبقى كويسة وكل محاولاتي فشلت.. اتأكدوا إني موصلتش لهنا بسهولة كده لا والله.. أنا عافرت عشان موصلش بس للأسف الحزن كان أقوى مني.. أتمنى ربنا يسامحني ويحاسبني على تعبي وقلة حيلتي مش على عدم إيماني بيه.
وتابعت: حاجة أخيرة.. أنا كنت لوحدي ودلوقتي لوحدي فأتمنى محدش من اهلي يحضر جنازتي لأني ماشيه زعلانة زعلانة منهم كلهم ومش مسامحة في حق نفسي ابداً، ادعولي بالرحمه وافتكروني بالخير وأتمنى متنسيش زي ما كنت منسية.. وقولوا للشخص اللي ختم نهاية
حياتي إنه كان أملي الوحيد وللأسف خذلني، عرفوه إني كنت بحبه.. عرفووه إني خلاص فارقت الدنيا دي وأنا حزينة وزعلانة على نفسي.. هيعرف بالصدفة إني موت زيه زي ناس كتير أوي كانت في حياتي.. حفلة تخرجي بعد بكره.. هي مش حفلة تخرجي من الكلية بس ومن الحياة كلها.
واختتمت المنشور قائلة: "ادعولي ربنا يسامحني.. ومحدش يقولي ماتت كافرة لأن الكُفر هو إني أفضل عايشة مأذية ومنسية ووحيدة".
رأي الطب النفسي في تخلص الشباب من حياتهم
ويرى الطب النفسي أن من بين أسباب قيام الشباب بالتخلص من حياتهم، غياب الخطاب الديني الداعي لتغير السلوك، وأيضا انتشار المخدرات ومشاكل الضعف الجنسي، والمشكلات المتعلقة بالأمور المالية، مع تغافل الدور الرقابي للأسرة أو غيرها، بمعنى "أن الوقائع لا تحدث فجأة، فغالبا وبنسب تتجاوز الـ 50% ما يسبق الواقعة مؤشرات تشير إلى احتمالية حدوثها مثل التعرض لمشكلات نفسية أو عصبية أو الانطواء".
رأي الدين في تخصل الشخص من حياته
أما عن رأي الدين، كشف الدكتور عبد الفتاح العواري، عميد كلية أصول الدين السابق بجامعة الأزهر بالقاهرة، عن حكم ذلك، قائلا إن من يفعل ذلك مسلم عاص ارتكب كبيرة من الكبائر، وأكد أن الله نهى عن قتل النفس، حتى لو كانت نفس كافر، فقتل النفس بغير حق مُحرَّم.
القصة الكاملة لإنهاء فتاة بجامعة المنصورة حياتها بحبة الغلة
