عرضت الإعلامية رشا نبيل مقدمة برنامج كلام تاني المذاع على فضائية دريم، استغاثة مونيكا صدقي، الطالبة في كلية صيدلة، ضحية صفحة كيف تشقطين ذكرا، وقالت: الواقعة انتهاك للآدمية والفتاة اتدمرت نفسيا.
وقالت مونيكا في الفيديو، إن حسابها الشخصي تم سرقته، وكتب به كلام مشين، مضيفة: أنا تعبت حد أخد صورة من صوري وكتب كلام وحش جدا، حاولت أقفل الأكونت المزيف واتقفل بالفعل، لكن الشعب اللي ما بيرحمش واخد سكرين شوت وحاطه في كل حتة، إنتوا ما عندكوش رحمة.
وتابعت: حياتي بتدمر، ليه تعملوا في كده، أنا عايشة في حالي، أنا قاعدة مش عارفة أعمل إيه، أنا مش بلوم حد لأن الجهل مفيش ذنب فيه، لكن الذنب إني أكتب للناس اللي ناشرة البوست وأطلب منهم يشيلوه وما يرضوش بغرض تجميع أكبر عدد من اللايك والشير.
