أكد كيرلس صموئيل أنه فقد 7 أشخاص من أفراد عائلته في حادث أتوبيس المنيا، إضافة إلى إصابة والدته بطلق ناري بالقدم والبطن.
وقال: "فقدت أبويا، وأخويا، وبنت أخويا، وخالي، وبنت خالي، وزوجة أخويا، ومرات خالي، وأمي مصابة بطلقة في رجليها وجروح في بطنها".
أكد أنه علم عن الحادث من خلال مكالمة هاتفية لشقيقه، وقال: "أنا كنت في الغردقة.. أخويا اتصل بيا قالي الحقنا مرات أخوك بتتصل بيا وتقولي في ناس طلعوا علينا وبيقتلوا فينا".
وأضاف: "أنا مبسوط جدا علشان عارف إنهم في مكان أحسن من الدنيا وكان نفسي أبقى معاهم والناس اللي بتقتل دي على عنيها غشاوة، وأنا مش شايف أي تقصير من أي جهة لأن دول هيفضلوا يقتلوا كدا.. أتمنى يشوفوا الحقيقة ولو شافوا الحقيقه هيسيبوا اللى هما بيعملوه ده".
وتابع: "ربنا معزيني علشان هما شهداء انا مكنتش أتخيل أني أشوف اللى حصل لـ 7 من عيلتي.. لكن أنا متعزي ومبسوط أنهم في مكان أفضل.. وأوجه كلمة لداعش أنا مش زعلان منكم ربنا يسامحكم وارجعوا عن اللي انتوا بتعملوه".
